Real Madrîd bo cara şeşem Kûpaya Super a Ewropayê hildigire

Navenda Nûçeyan (K24) – Tîma Real Madrîd a Îspanî piştî serketina bi ser tîma Atalanta ya Îtalî, bo cara şeşemîn Kupaya Super a Ewropayê bidest xist.

Şeva borî li Stadyûma Neteweyî ya Warsawê, hilgira nasana Champions League Real Madrîd û şampiyona Lîgaya Ewropayê Atalanta di fînala Kupaya Super a Ewropayê rûbirûyî hev bûn.

Real Madrîd bi encama (2 - 0) biser Atalantayê ket û Kupaya Super a Ewropayê bidest xist.

Yarîzanê Uruguayî Federico Valverde gela yekem di xuleka (59) de tomar kir, piştre jî êrîşkarê Fransî Kylian Mbappe gola duyemîn a Real Madrîdê di xuleka (68emîn) de anî.

Real Madrîda, şampiyona Lîga Şampiyonan bi 15 caran, rekor şikand û bo cara şeşemîn Kûpaya Super a Ewropayê werdigire.