رۆمیۆ هەکاری: بههۆی هێزی نایاسایی كریستیانهكان ناتوانن بگهڕێنهوه
سکرتێری گشتی پارتی دیموکراتی بەیت نەهرەین ڕایدەگەیەنێت: بههۆی هێزی نایاسایی، كریستیانهكان ناتوانن بگهڕێنهوه، دەشڵێت: کریستیانەکان بەهۆی ململانێی نێوان هێزە نایاساییەکان، هەمیشە لە نائارامی و دڵەڕاوکێدا دەژین.
رۆمیۆ هەکاری سکرتێری گشتی پارتی دیموکراتی بەیت نەهرەین بەکوردستان24ـی راگەیاند، بەهۆی هێرشی داعشەوە 200 هەزار کرسیتیان لە دەشتی نەینەوا ئاوارەبوون.
راشیگەیاند: بەهۆی هەبوونی هێزی نایاسایی و ململانێی نێوان هێزەکان، کرسیتیانەکان ناتوانن بگەڕێنەوە بۆسەر ماڵ و حاڵی خۆیان لە دەشتی نەینەوا.
رۆمیۆ هەکاری گوتی: زیاتر لە دووسەد هەزار کرسیتیان لە دەشتی نەینەوا لە( بەغدێدە، حەمدانیە، بەرتللە، تلسقۆف و بەعشیقە و بەهزانی، لەگەڵ تلکێف ئاوارەبوون و ناوچەکانیان جێ هێشت و هاتنە شار و شارۆچکەکانی هەرێمی کوردستان.
دەڵێت: لەبەر ئەوەی تا ئێستا ئەو ناوچانە ئاوەدان نەکراونەتەوە، هاوکات ئەو هێزانەی ئێستا لەو ناوچانە لە ململانێدان، بوونەتە هۆکاری ئەوەی کریستیانەکان ئەزیەت بدرێن، دەشڵێت: کریستیانەکان لەڕووی ئەمنی و سەربازیی و ژیانەوە ئاسوودە نین، هەمیشە لە دڵەڕاوکێ دەژین.